Kthimet, tërheqja dhe garancia

Përditësuar më 25 tetor 2026.

1. E drejta për t'u tërhequr (14 ditë)

Si konsumator, mund të hiqni dorë nga blerja brenda 14 ditëve, pa dhënë asnjë arsye. Afati fillon ditën kur ju (ose një person që caktoni, jo korrieri) merrni produktin. Kur porosia vjen në disa dërgesa, afati fillon nga produkti i fundit.

2. Si e kërkoni

• Online: nga llogaria juaj ose nga linku i ndjekjes së porosisë → “Kërko kthim”. Ju konfirmojmë marrjen e kërkesës menjëherë me email.
• Ose me çdo deklaratë të qartë në hello@pak.al, ose me letër në pikën e kthimeve — mund të përdorni formularin model më poshtë (nuk është i detyrueshëm).

3. Si e ktheni produktin

Brenda 14 ditëve nga dita kur na njoftoni, sillni produktin te pika e kthimeve: Rruga Kont Leopold Bertold, Tiranë 1000 (zona Ali Demi) (hap në hartë) · Me kontakt paraprak. Sjellja te pika është falas. Nëse zgjidhni ta dërgoni me korrier ose postë, kostoja e dërgimit është në ngarkimin tuaj. Për të caktuar dorëzimin, na kontaktoni paraprakisht në +355 68 200 3737 (edhe WhatsApp ose Telegram).

Produktin mund ta provoni si në dyqan. Përgjigjeni vetëm për zvogëlimin e vlerës që vjen nga përdorimi përtej asaj që nevojitet për të parë natyrën, karakteristikat dhe funksionimin e tij.

4. Rimbursimi

• Ju kthejmë të gjitha pagesat, përfshirë dërgesën standarde, brenda 14 ditëve nga dita kur morëm njoftimin tuaj.
• Rimbursimi bëhet me të njëjtën mënyrë pagese (kartë → në të njëjtën kartë; bankë → në llogarinë tuaj), pa asnjë tarifë.
• Për porositë e paguara në dorë, me pëlqimin tuaj, rimbursimi bëhet me transfertë në llogarinë bankare që na jepni.
• Mund ta mbajmë rimbursimin derisa të marrim produktin ose derisa të tregoni se e keni dërguar.

5. Kur nuk vlen e drejta e tërheqjes

Sipas ligjit, e drejta e tërheqjes nuk vlen për:

• produkte të bëra sipas porosisë suaj ose të personalizuara;
• produkte që prishen ose skadojnë shpejt;
• produkte të mbyllura (vulosura) që nuk kthehen për arsye shëndeti ose higjiene pasi hapen — p.sh. kozmetikë, produkte kujdesi personal, të brendshme;
• produkte që pas dorëzimit janë përzier pandashmërisht me të tjera;
• regjistrime audio/video ose programe kompjuterike të vulosura, pasi hapen;
• gazeta dhe revista.

6. Garancia ligjore (2 vjet)

Çdo produkt ka garancinë ligjore 2 vjet nga dorëzimi. Nëse produkti ka defekt ose nuk është si në përshkrim, keni të drejtë për riparim ose zëvendësim falas, brenda 30 ditëve; kur kjo nuk është e mundur, për ulje çmimi ose kthim të parave. Defekti që shfaqet brenda 6 muajve të parë quhet se ka ekzistuar që në dorëzim.

Ankesën e bëni nga “Kërko kthim” (arsyeja “Defekt / nuk funksionon”) ose në hello@pak.al. Përgjigjemi brenda 3 ditëve pune. Në këto raste kostoja e kthimit është e jona. Garancia e prodhuesit, kur jepet, vlen shtesë dhe nuk e kufizon garancinë ligjore.

7. Bizneset

E drejta e tërheqjes dhe garancia ligjore e konsumatorit vlejnë për personat fizikë që blejnë për vete. Për blerjet për qëllime biznesi vlen ligji në fuqi.

8. Mosmarrëveshjet

Na shkruani fillimisht në hello@pak.al — e zgjidhim shpejt. Nëse nuk jeni të kënaqur, mund t'i drejtoheni zgjidhjes alternative të mosmarrëveshjeve (ZAM) pranë ministrisë përgjegjëse për ekonominë, ose gjykatës kompetente.

Formulari model i tërheqjes